आंबा उत्पादकांना लागली हंगामाची चाहूल

हापूस कलमांना पालवी येण्यास सुरुवात झाल्यामुळे आंबा बागायतदारांना यंदाच्या हंगामाची चाहूल लागली आहे. यंदा ७० टक्के कलमांना पहिल्या टप्प्यात नैसर्गिकरित्या पालवी येत राहील, असा अंदाज आहे. ज्या कलमांना पालवी येणार नाही, ती नोव्हेंबरच्या अखेरीस किंवा डिसेंबरच्या पहिल्या आठवड्यात मोहोरतील. त्यासाठी थंडी आणि ऊन असे वातावरण आवश्यक आहे, असे बागायतदारांनी सांगितले.