आंध्र प्रदेश, कर्नाटकातून खाऊच्या पानांची आवक

थंडीमुळे उमरखेड तालुक्यातील खाऊची पाने सध्या आकाराने लहान असून, सद्यःस्थितीत त्यांना २५० ते ४०० रुपयांना प्रति हजार नग असा दर मिळत आहे. चांगल्या प्रतीच्या आणि आकाराच्या पानाला ६०० रुपयांपर्यंतचा दर मिळत असतो. सध्या बाजारात आंध्र प्रदेश, कर्नाटक या भागांतून पानाची आवक होत असून, त्याला ४०० ते ४५० रुपये प्रति हजार असा दर मिळत आहे. त्या भागातील वातावरण पानाचा आकार वाढीसाठी सध्या पोषक आहे. त्यामुळेच आंध्र प्रदेश, कर्नाटकमधील पानांना बाजारात चांगला दर देखील आहे.