बाजरी पेरणीला पुढील आठवड्यात सुरुवात

खानदेशात बाजरीच्या पेरणीला फारशी सुरुवात झालेली नाही. परंतु पुढील आठवड्यात आगाप पेरणीला सुरुवात होणार आहे. यंदा क्षेत्र स्थिर राहील, असा अंदाज व्यक्त करण्यात येत आहे. बाजरी अधिक थंडीत पेरू नये, असे शेतकरी म्हणतात. परंतु यंदा थंडी हवी तशी नाही. यामुळे शेतकरी आगाप पेरणी करण्याचे नियोजन करीत आहेत. अनेकदा खानदेशात डिसेंबरच्या मध्यात पेरणी केली जाते. यंदाही पेरणी १५ डिसेंबरनंतर सुरू होईल, असे दिसत आहे. अनेक शेतकऱ्यांनी यंदा कांदा, मका पिकाऐवजी बाजरी पेरणीचे नियोजन केले आहे.