थंड हवामानासाठी सर्वोत्तम टोमॅटो वाण (Best Tomato varieties for cold climates)

नमस्कार शेतकरी मित्रांनो,

देहात परिवारात आपले सहर्ष स्वागत आहे!

महाराष्ट्र हे भारतातील प्रमुख टोमॅटो उत्पादक राज्यांपैकी एक आहे. देशातील एकूण टोमॅटो उत्पादनापैकी सुमारे २० टक्के उत्पादन या राज्यात होते. महाराष्ट्रातील प्रमुख टोमॅटो उत्पादक जिल्हे पुणे, नाशिक, अहमदनगर, सातारा आणि सोलापूर हे आहेत. खरीप, रब्‍बी, उन्‍हाळी या तीनही हंगामात टोमॅटो पिकाची लागवड करता येत असल्‍यामुळे टोमॅटो हे महाराष्‍ट्रातील शेतक-यांचे प्रमुख फळपिक आहे. म्हणूनच आजच्या या भागात आपण थंड हवामानासाठी सर्वोत्तम अशा टोमॅटोच्या काही वाणांची माहिती जाणून घेणार आहोत.

सिजेंटा - अभिनव टोमॅटो बियाणे:

• सिजेंटा अभिनव या टोमॅटो बियाण्याच्या पेरणीचा हंगाम खरीप व रब्बीचा शेवट हा आहे.
• या वाणाचे बियाणे पुनर्लागवड पद्धतीने लावले जाते.
• अभिनव वाणाच्या पेरणीसाठी दोन ओळीतील अंतर 4-6 फूट तर दोन रोपातील अंतर 1 फूट ठेवायचे सुचविले जाते.
• परीपक्कव झालेली फळे आकर्षक लाल आणि चमकदार असतात.
• टोमॅटो गुच्छ पद्धतीने लागत असून पहिली तोडणी 60-65 दिवसांत केली जाते.

सिजेंटा - मेघदूत टोमॅटो बियाणे:

• मेघदूत या वाणाची महाराष्ट्रात मोठ्या प्रमाणात लागवड पाहायला मिळते.
• पावसाळी व थंड हंगामात लागवडीसाठी हे वाण सर्वोत्कृष्ट असल्याचा दावा तज्ञांनी केला आहे.
• या वाणाची सोलापूर, कोल्हापूर भागात मोठ्या प्रमाणात लागवड होते.
• पावसाळी हंगामासाठी उपयुक्त असणाऱ्या टोमॅटोच्या या वाणापासून शेतकऱ्यांना चांगली कमाई होते.
• मेघदूत या टोमॅटो बियाण्याच्या पेरणीचा हंगाम खरीप व रब्बीचा शेवट असून बियाणे पुनर्लागवड पद्धतीने लावले जाते.
• पेरणीसाठी दोन ओळीतील अंतर 4-6 फूट तर दोन रोपातील अंतर 1 फूट ठेवायचे सुचविले जाते.

Nunhems - युएस ४४० टोमॅटो बियाणे:

• युएस ४४० या टोमॅटोच्या वाणाचा परिपक्वता कालावधी 60-65 दिवसांचा असतो.
• फळांचे सरासरी वजन 80-100 ग्रॅम असून आकार गोल असतो.
• या वाणाचे शेल्फ लाइफ उत्कृष्ट असून या वाणात चांगली रोग प्रतिरोधक क्षमता आहे.
• खरीप आणि रब्बी हंगामासाठी हे वाण योग्य मानले जाते.

Seminis - सक्षम:

• सक्षम टोमॅटो सीड्स हे मुख्य हंगामातील टोमॅटोचे बियाणे आहे. या वाणात उष्णता व थंडी सहन करण्याची क्षमता आहे.
• हे वाण लवकर परिपक्वता, एकसमान सपाट गोलाकार फळे, व लाल रंगासाठी ओळखली जातात.
• दर्जेदार फळे व चांगली उत्पादन क्षमता हे या वाणाचे वैशिष्ट्य आहे.
• उष्ण आणि दमट वातावरणात हे वाण उत्तम उत्पादन देते.
• या वाणाच्या फळांचे वजन: 75-80 ग्रॅम एवढे असते.
• पहिली तोडणी 60-65 दिवसांत केली जाते.

नामधारी सीड्स - NS 585:

• या संकराची झाडे जोमदार वाढतात.
• हा संकर परिपक्व होण्यास मध्यम वेळ लागतो.
• फळ वरून हिरव्या रंगाची असतात आणि त्यांचा आकार सपाट गोल असतो,
• टोमॅटोचे वजन 80-90 ग्रॅम असते.
• हे एक उत्कृष्ट उत्पादन देणारे वाण आहे.
• हे TLCV रोगा प्रति सहनशील आहे.
• हे वाण थंड हवामानाला सहनशील आहे.

सिजेंटा - हिमशिखर:

• उच्च उत्पादन क्षमता
• दीर्घ कालावधीचे पीक
• लांब पल्ल्याच्या वाहतुकीसाठी चांगले वाण
• परिपक्वता: लागवडीनंतर 70 - 75 दिवसांनी
• पिकलेली फळे लाल आणि चमकणारी दिसतात
• महाराष्ट्रात थंड हवामानात होणारे वाण

अशा प्रकारे योग्य रित्या, आपल्या शेतातील मातीनुसार योग्य हवामानानुसार योग्य वाणाची लागवड केल्यास भरपूर उत्पादन मिळू शकते. तुम्ही तुमच्या शेतात थंड हवामानात टोमॅटोच्या कोणत्या वाणाची लागवड करता? याबद्दलची माहिती आपल्या इतर शेतकरी मित्रांसह कमेंट्सद्वारे शेयर करा. सोबतच या लेखाला लाईक करायला आणि लेखावर कमेंट करायला विसरू नका. यासारख्या विविध पिकांच्या महत्वपूर्ण माहितीसाठी “कृषी ज्ञान” चॅनेलला फॉलो करा. तसेच तुमच्या समस्यांच्या निवारणासाठी आमच्या टोल फ्री क्रमांक 1800-1036-110 वर संपर्क साधून कृषी तज्ञांकडून मोफत सल्ला मिळवा.

वारंवार विचारले जाणारे प्रश्न (Frequently asked Questions):

1. महाराष्ट्रात टोमॅटोची लागवड कधी करावी?

टोमॅटोची लागवड खरीप हंगामात जून, जूलै महिन्‍यात, रब्‍बी (हिवाळी हंगाम) हंगामात सप्टेंबर, ऑक्‍टोबर महिन्‍यात व उन्हाळी हंगामात डिसेंबर, जानेवारी महिन्‍यात करावी.

2. महाराष्ट्रात टोमॅटो पीक घेण्यासाठी आदर्श तापमान श्रेणी कोणती?

महाराष्ट्रात टोमॅटो पिकाच्या लागवडीसाठी आदर्श तापमान श्रेणी 20 ते 30 अंश सेल्सिअस दरम्यान आहे.

3. टोमॅटो पिकासाठी आवश्यक असणारी महत्त्वाची पोषक द्रव्ये कोणती?

टोमॅटो पिकासाठी लागणारी महत्त्वाची पोषक द्रव्ये म्हणजे नायट्रोजन, फॉस्फरस, पोटॅशियम, कॅल्शियम आणि मॅग्नेशियम.