पिंक तैवान पेरूची लागवड कशी करावी? (Cultivation process of Pink Taiwan Guava)

नमस्कार शेतकरी बंधूंनो,
देहात परिवारात आपले सहर्ष स्वागत आहे!
महाराष्ट्रातील शेतकरी बंधु आता मोठ्या प्रमाणात फळबाग लागवडीकडे वळत आहेत. महाराष्ट्रातील फळबागांची उतरण पाहिली तर विभागनिहाय दिसून येते. उदाहरणच द्यायचे झाले तर नाशिक जिल्ह्यामध्ये डाळिंब आणि द्राक्ष, जळगाव जिल्हा म्हटले म्हणजे केळी आणि विदर्भ म्हटले म्हणजे संत्री. परंतु आता बरेचसे शेतकरी आहेत की ते पेरू लागवडीकडे वळत आहेत. पेरू हे फळपीक कमी खर्चात व कमी मेहनतीत चांगले उत्पन्न देते. आजच्या आपल्या या लेखात आपण याच तैवान पिंक पेरू लागवडीविषयीची संपूर्ण माहिती जाणून घेणार आहोत.
बाजारात सध्या ग्राहकांची आणि व्यापारी वर्गाची जास्तीत जास्त मागणी असलेला पेरू म्हणजे "पिंक तैवान पेरू". साधारणपणे या पेरूचे वजन 500 ग्रॅम असते. हा पेरू आकाराने मोठा असतो. तसेच या पेरुचे वैशिष्ट्य म्हणजे आत मधून हा फिकट गुलाबी रंगाचा असतो जो चवीला एकदम गोड आणि रुचकर असतो.
पिंक तैवान पेरू लागवडीसाठी योग्य हंगाम:
पिंक तैवान पेरूची लागवड बाराही महिने करता येते.
पिंक तैवान पेरू लागवडीसाठी योग्य जमीन:
पिंक तैवान पेरू लागवडीसाठी काळी, लाल, मुरमाड, माळरानाची तसेच पाण्याचा निचरा होणारी जमीन उत्तम असते.
पिंक तैवान पेरू लागवडीसाठी लागवड अंतर:
6×10, 6×12, 8×12, 8.5×5 किंवा 6×9 घनदाट पद्धतीने लागवड केल्यास एकरी एक हजार रोपे लावता येतात.
लागवडीविषयी:
- 1×1 चे खड्डे करावे व खड्ड्यात कुजलेले शेणखत टाकून रोपाची एका सरळ रेषेत लागवड करावी.
- पाण्यासाठी ड्रिप चा वापर करावा. त्यामुळे पाण्याची बचत होते व रोपांच्या गरजेनुसार पाण्याची मात्रा देता येते.
पिंक तैवान पेरू लागवडीसाठी खत व्यवस्थापन:
- झाडाची वाढ जलद व्हावी यासाठी पहिली 4 वर्षे खताच्या योग्य मात्रा द्याव्यात.
- शेणखत 20 ते 22 किलो प्रती झाड या प्रमाणे पावसाळा सुरु होण्यापूर्वीच द्यावे.
- लागवडीनंतर 6 महिन्यांनी 150 ग्रॅम नत्र 50 ते 60 ग्रॅम स्फुरद, 50 ग्रॅम पालाश द्यावे.
- त्यानंतर पुढील वर्षापासून प्रतिझाड 800 ग्रॅम नत्र, 400 ग्रॅम स्फुरद, 400 ग्रॅम पालाश अशी खतमात्रा 2 ते 3 हप्त्यामध्ये विभागून द्यावी.
छाटणी:
- महाराष्ट्रात पेरू पिकात प्रामुख्याने दोन बहार, हंगाम आहेत.
- पहिला वसंत ऋतू सुरु होण्यापूर्वी, त्यालाच आंबे बहार देखील म्हणतात.
- यामध्ये फेब्रुवारी ते मार्चमध्ये बागेत छाटणी करून फुलबहार घेतला जातो व पावसाळ्यात जुलै ते सप्टेंबरच्या दरम्यान फळांची काढणी केली जाते.
- दुसरा मृग बहार यामध्ये जुन ते जुलै च्या दरम्यान फुल बहार धरून नोव्हेंबर ते जानेवारीच्या दरम्यान फळे काढली जातात.
- आंबे बहार धरण्यासाठी बागेत छाटणी करून बहार नियोजन करावे.
- एप्रिल ते मे च्या दरम्यान तापमान जास्त असल्यामुळे छाटणी करणे टाळावे.
- छाटणी करताना जाड फांद्या ठेऊन बाकीच्या सर्व बारीक काड्या काढून टाकाव्यात झाडाच्या मुख्य खोडापासून आलेल्या चार ते पाच उपयुक्त फांद्या आणि त्यानंतर आलेल्या लहान फांद्या अशा प्रकारे उघडलेल्या छत्रीच्या आकाराप्रमाणे छाटणी करून खतांचे व पाण्याचे संतुलित नियोजन करावे.
पिंक तैवान पेरू लागवडीसाठी पाणी व्यवस्थापन:
- कमी पाण्यामध्ये देखील हे पीक उत्तम घेता येते.
- पेरूचे झाड पाण्याचा ताण बराच काळ सहन करू शकते.
- मात्र नवीन लागवडीला साधारणपणे जमिनीच्या मगदुरानुसार 10 ते 15 दिवसाच्या अंतराने पाणी द्यावे.
- बुंध्या भोवती दुहेरी आळे करून बाहेरील अळ्यास पाणी द्यावे.
- उन्हाळ्यात 10 ते 15 दिवसांनी व हिवाळ्यात 20 दिवसांनी पाणी द्यावे.
पिंक तैवान पेरू पिकात आढळून येणाऱ्या किडी:
- फळमाशी
- साल पोखरणारी अळी
- पिठ्या ढेकूण
- स्पायरीलिंग पांढरी माशी
पिंक तैवान पेरू पिकात आढळून येणारे रोग:
- देवी रोग
- फळे सडणे
- फांद्यावरील खैऱ्या रोग
पिंक तैवान पेरू फळांची काढणी आणि उत्पन्न:
- 120-150 दिवसांच्या छाटणीनंतर पेरूची फळे काढणीस तयार होतात.
- पेरूच्या झाडापासून उष्ण हवामानात वर्षभरात दोन वेळा पिक घेता येऊ शकते.
- शिवाय, एक मोठे पीक उन्हाळ्यात आणि एक लहान पीक हिवाळ्यात विकसित होते.
- तथापि, फळे परिपक्व आणि कापणीसाठी तयार आहेत की नाही हे ओळखण्यासाठी, फळांवरील फिकट हिरव्या रंगाच्या रंगद्रव्यांचे नीट निरीक्षण करावे.
- परिपक्व झालेली फळे झाडांवर जास्त काळ ठेवू नयेत.
- पिकलेली दिसल्यावर लगेचच काढणी करावी.
- कलम केलेल्या झाडापासून प्रति झाड 350 किलो पेरू तयार होतात.
- शिवाय, प्रति एकर जमीन, उत्पादन 60-150 किलो किंवा 6 टन असू शकते.
- बाजारपेठेत तैवान पिंक पेरुची किंमत 40 ते 70 रूपये प्रति किलो एवढी मिळते.
तुम्ही तुमच्या शेतात तैवान पिंक पेरूची शेती करता का? कशाप्रकारे करता? याबद्दलची माहिती आपल्या इतर शेतकरी मित्रांसह कमेंट्सद्वारे शेयर करा. यासारख्या विविध पिकांच्या महत्वपूर्ण माहितीसाठी देहातच्या “बागायती पिके” चॅनेलला फॉलो करा. सोबतच या लेखाला लाईक करायला आणि लेखावर कमेंट करायला विसरू नका.
वारंवार विचारले जाणारे प्रश्न (Frequently asked Questions):
1. पिंक तैवान पेरू लागवडीसाठी योग्य हंगाम कोणता?
पिंक तैवान पेरूची लागवड बाराही महिने करता येते.
2. पिंक तैवान पेरू लागवडीसाठी योग्य जमीन कोणती?
पिंक तैवान पेरू लागवडीसाठी काळी, लाल, मुरमाड, माळरानाची तसेच पाण्याचा निचरा होणारी जमीन उत्तम असते.
3. पेरूची झाडे वाढण्यास किती वेळ लागतो?
पेरूची झाडे लागवडीनंतर 3 ते 4 वर्षात फळ देण्यास तयार होतात. शिवाय एका झाडाचे उत्पादन दरवर्षी 23-36 किलो किंवा त्याहून अधिक असू शकते.
जारी रखने के लिए कृपया लॉगिन करें

फसल चिकित्सक से मुफ़्त सलाह पाएँ
