दूध अनुदानात २ रुपयांची वाढ पण शेतकऱ्यांऐवजी दूध संघांचा फायदा

राज्य सरकारने दुधाला ७ रुपये अनुदान देण्याचा निर्णय घेतला आहे. परंतु या निर्णयाचा फायदा दूध उत्पादकांऐवजी दूध संघांना होणार आहे. कारण या निर्णयानुसार दूध संघांनी पूर्वीच्या ३० ऐवजी २८ रुपये प्रतिलिटर दूध दर देणं बंधनकारक करण्यात आलं आहे. त्यासाठी राज्य सरकारने ८७९ कोटी रुपये निधीला मंजूर दिली आहे. या संदर्भात राज्य सरकारने गुरुवारी (ता.२६) शासननिर्णय प्रसिद्ध केला आहे. दूध अनुदानातील वाढ शेतकऱ्यांऐवजी दूध संघांसाठी केली जात असल्याचं बोललं जात आहे. म्हणजेच राज्य सरकारचे खायचे दात आणि दाखवायचे दात वेगळे आहेत, अशी टिका दूध उत्पादकांकडून केली जात आहे.