गोकुळच्या दूध उत्पादकांना 11 कोटी 32 लाखांचे मिळणार अनुदान

गोकुळ सलंग्न दूध उत्पादकांच्या बँक खात्यावर लवकरच 11 कोटी 32 लाख 49 हजार 835 रुपये इतके अनुदान जमा होणार आहे. एवढ्या मोठ्या प्रमाणात अनुदान मिळवणारा गोकुळ हा राज्यातील प्रथम क्रमांकाचा संघ असून, संघातील सर्वच कर्मचाऱ्यांनी झोकून देऊन संघाच्या आणि दूध उत्पादकांच्या उत्कर्षासाठी काम करावे, असे प्रतिपादन 'गोकुळ'चे अध्यक्ष अरुण डोंगळे यांनी केले.