हिंगोली बाजार समितीत हळदीची १ लाख क्विंटल आवक

चालू आर्थिक वर्षातील (२०२४-२५) पहिल्या सहामाहीत (१ एप्रिल ते ३० सप्टेंबर) हिंगोली कृषी उत्पन्न बाजार समितीअंतर्गत संत नामदेव हळद मार्केटमध्ये हळदीची एकूण १ लाख ३० हजार २२६ क्विंटल आवक झाली. हळदीला प्रतिक्विंटल सरासरी १३,०३७ ते १५,६८० रुपये दर मिळाले. गतवर्षी (२०२३) एप्रिल ते सप्टेंबर या कालावधीतील १ लाख ७७ हजार ४६१ क्विंटलच्या तुलनेत यंदा हळदीच्या आवकेत ४७ हजार २३५ क्विंटलने घट झाली आहे.