हिंगोलीत सोयाबीनला हमीभावापेक्षा ५२२ ते १००२ रुपयांनी कमी दर

हिंगोली कृषी उत्पन्न बाजार समितीअंतर्गत धान्य बाजारात मंगळवारी (ता. १९) सोयाबीनला हमीभावापेक्षा (प्रतिक्विंटल ४८९२ रुपये) क्विंटल मागे ५२२ ते १००२ रुपये कमी दर मिळाले. धान्य बाजारात मंगळवारी (ता. १९) सोयाबीनची ७०० क्विंटल आवक असताना प्रतिक्विंटल किमान ३८९० ते कमाल ४३७० रुपये, तर सरासरी ४१३० रुपये दर मिळाले. सोयाबीनमध्ये ओलाव्याचे प्रमाण जास्त असल्यामुळे शासकीय खरेदी केंद्रावर हमीभावाने सोयाबीन विक्रीसाठी अडचणी येत आहेत. शिवाय शासकीय खरेदीचे चुकारे मिळण्यास विलंब लागतो. तातडीच्या आर्थिक गरजा असलेले शेतकरी बाजार समितींमध्ये सोयाबीनची विक्री करत आहेत.