हळदीच्या दरात क्विंटलला दोन हजार रुपयांनी सुधारणा

यंदाचा नवीन हळद विक्रीचा हंगाम सुरू होऊन एक महिना पूर्ण झाला आहे. बाजारात दर्जेदार हळदीची आवक होत असून हळदीचा उठावही आहे. त्यामुळे एका महिन्यात हळदीच्या दरात प्रतिक्विंटल दोन हजारांनी सुधारणा झाली. गेल्या तीन वर्षांच्या तुलनेत हळदीला चांगले दर मिळत आहेत. यामुळे हळद उत्पादक शेतकऱ्यांमध्ये समाधानाचे वातावरण आहे.