खानदेशात देशी हरभऱ्याची आवक वाढू लागली

जळगाव: खानदेशात देशी प्रकारातील हरभऱ्याची विविध बाजार समित्यांत आवक सुरू झाली आहे. दर किमान 5771 व कमाल 6151 रुपये प्रतिक्विंटलपेक्षा अधिक आहेत. प्रमुख बाजार समित्यांत हरभऱ्यास मागील पाच - सहा दिवसांपासून सरासरी दर 5800 रुपये प्रतिक्विंटल असा मिळत आहे. खानदेशात हरभऱ्यासाठी जळगाव जिल्ह्यातील जळगाव, चोपडा, अमळनेर, चाळीसगाव, पाचोरा, धुळ्यातील दोंडाईचा (ता. शिंदखेडा), शिरपूर, नंदुरबारातील शहादा, तळोदा, नंदुरबार या बाजार समित्या प्रसिद्ध आहेत. यातील चोपडा, जळगाव येथील बाजार समित्यांत मागील आठवड्यातच हरभऱ्याची आवक सुरू झाली.