खानदेशात केळी लागवड वाढण्याचे संकेत

खानदेशात अर्ली कांदेबाग केळी लागवड पूर्ण झाली आहे. यंदा केळी लागवड खानदेशात सुमारे ७५ ते ७६ हजार हेक्टरवर होईल, असे संकेत आहेत. केळीचे दर मध्यंतरी कमी झाले होते. सध्या दर टिकून आहेत. इतर पिकांमध्ये शेतकऱ्यांना फटका सहन करावा लागला आहे. कारण दर कमी अधिक झाले. केळी पीक शेतकऱ्यांना बऱ्यापैकी परवडले. कांदेबाग केळी व मृग बहर केळीचे उत्पादनही बऱ्यापैकी आले. जळगाव जिल्ह्यात मृग बहर केळीची काढणी मार्च अखेरिस सुरू होते. तर कांदेबाग केळीची काढणी दसरा सणापासून सुरू होत असते. सध्या उशिराच्या कांदेबाग केळीची काढणी काही भागात सुरू आहे.