खरबूज दर घसरले, शेतकऱ्यांची चिंता वाढली!

खानदेशात खरबूज दरात तीन-चार दिवसांत घट झाली आहे. दर २४ ते १८ रुपये प्रति किलोवरून १२ ते १५ रुपये प्रति किलो, असे खाली आले आहेत. यामुळे शेतकऱ्यांना मोठा आर्थिक फटका बसत आहे. खरबुजाची खानदेशात थेट किंवा शिवार खरेदी केली जाते. बाजार समित्यांत कुठलीही आवक शेतकऱ्यांकडून होत नाही. थेट खरेदीत शेतकऱ्यांच्या खरबुजास सात ते आठ दिवसांपूर्वी जागेवर प्रति किलो १८ ते २४ रुपये दर मिळत होते. परंतु मागील पाच ते सहा दिवसांत आवकेत मोठी वाढ झाली आहे. यामुळे दरात घट झाली आहे. ही घट थांबवून प्रशासनाने खरेदीदार, व्यापारी व शेतकऱ्यांशी बाजार समित्या, जिल्हा उपनिबंधक कार्यालयात चर्चा करावी, अशी मागणीही शेतकरी करीत आहेत.