खरिपासाठी १ लाख २३ हजार ३०० टन खते मंजूर

यंदाच्या (२०२४) खरीप हंगामासाठी (एप्रिल ते सप्टेंबर) परभणी जिल्ह्याला कृषी विभागाने १ लाख ५९ हजार ३०० टन खतांची मागणी केलेली असतांना कृषी आयुक्तालयाने विविध ग्रेडच्या १ लाख २३ हजार ३०० टन रासायनिक खते मंजूर केली आहेत. नॅनो युरियाच्या ५५ हजार ८०० व नॅनो डीएपी ३५ हजार ८०० बॉटल्स मंजूर आहेत. यंदाच्या मागणीच्या तुलनेत ३६ हजार टन कमी तर गतवर्षीच्या १ लाख २० हजार ४६० टन खतांच्या तुलनेत २ हजार ८४० टन एवढा जास्त खतसाठा मंजूर करण्यात आला आहे, अशी माहिती जिल्हा परिषदेच्या कृषी विभागाचे मोहीम अधिकारी तथा प्रभारी जिल्हा कृषी विकास अधिकारी दीपक सामाले यांनी दिली.