खरिपासाठी 45 लाख टन खतसाठा मंजूर

परभणी: राज्याला येत्या खरीप हंगामासाठी (एप्रिल ते सप्टेंबर) विविध ग्रेडच्या रासायनिक खतांचा 45 लाख 53 हजार टन साठा मंजूर करण्यात आला आहे. त्यात युरिया 13 लाख 73 हजार टन, डीएपी 5 लाख टन, पोटॅश (एमओपी) 1 लाख 30 हजार टन, संयुक्त खते (एनपीके) 18 लाख टन आणि सिंगल सुपर फॉस्फेट (एसएसपी) 7 लाख 50 हजार टन या खतांचा समावेश आहे. नॅनो युरियाच्या 20 लाख व नॅनो डीएपीच्या 10 लाख बॉटल्स मंजूर करण्यात आल्या आहेत, अशी माहिती कृषी विभागाच्या सूत्रांनी दिली.