किमान पीकविम्यासाठी १० कोटींचा निधी वितरित; शेतकऱ्यांसाठी दिलासा !

राज्यात एक हजार रुपयांच्या आत पीक विमा भरपाई दिलेल्या शेतकऱ्यांना तफावतीपोटी किमान एक हजार रुपये विमा रक्कम देण्यासाठी राज्य सरकारने १० कोटी रुपये पीकविमा कंपन्यांना वितरित केले आहे. रब्बी २०२३-२४ च्या हंगामातील तफावतीकरिता ४ कोटी, ७४ लाख, १२ हजार रुपयांची गरज होती. मात्र, राज्य सरकारकडे निधीच नसल्याने तोकड्या रकमेवर बोळवण केली आहे.