कर्जमाफीसाठी सहकारमंत्री वळसे-पाटील यांच्या घरासमोर शेतकऱ्यांचं आंदोलन

राज्याचे सहकारमंत्री दिलीप वळसे पाटील यांच्या मंचर येथील घरासमोर शुक्रवारी (ता.१६) कर्जमाफीसाठी शेतकऱ्यांनी आंदोलन सुरू केलं आहे. पात्र शेतकऱ्यांना कर्जमाफी मिळावी, या मागणीसाठी नेवासा तालुक्यातील करजगाव येथील शेतकऱ्यांनी आंदोलन पुकारलं आहे. २०१७ साली राज्य सरकारने छत्रपती शिवाजी महाराज शेतकरी सन्मान कर्जमाफी योजना तत्कालीन मुख्यमंत्री देवेंद्र फडणवीस यांनी जाहीर केली. परंतु या योजनेतून ७० टक्के शेतकऱ्यांना लाभ मिळाला. उर्वरित ३० टक्के शेतकरी पात्र असूनही कर्जमाफीपासून वंचित राहिले. या पात्र शेतकऱ्यांना कर्जमाफी मिळावी, यासाठी शेतकऱ्यांनी आक्रमक भूमिका घेत आंदोलन सुरू केलं आहे.