लिंबाचे दर उसळले! फेब्रुवारीतच ५ हजारांवर भाव

ऑक्टोबर महिन्यात झालेल्या पावसामुळे लिंबू बहराला फटका बसला. त्यानंतर धुक्यामुळे काही बहर गळाल्याने यंदा बागांमध्ये झाडांवर लिंबांची संख्या अत्यंत कमी आहे. बहर फुटला नसल्याने बाजारात कमी आवक होत आहे. परिणामी यंदा फेब्रुवारी महिन्यातच लिंबाचा दर पाच हजार रुपयांपर्यंत गेला आहे. येत्या काळात यात आणखी मोठ्या वाढीचा कल दिसून येत असल्याचे शेतकरी व खरेदीदारही सांगत आहेत.