मागेल त्याला सौर कृषिपंपसाठी जालन्यातून ५३ हजार अर्ज

मागेल त्याला सौर कृषिपंप योजनेत शेतकऱ्यांनी अर्ज करण्यासाठी महावितरणच्या वेबसाइटला उदंड प्रतिसाद दिला आहे. केवळ १४ दिवसांत १ लाख २२ हजार शेतकऱ्यांनी त्यावर नोंदणी केली. त्यापैकी १ लाख ३ हजार ६०३ अर्ज मराठवाड्यातील पाच जिल्ह्यांतील आहेत. शिवाय अर्ज करण्यात जालना जिल्हा आघाडीवर असल्याची माहिती महावितरणकडून देण्यात आली.