महाबळेश्वर तालुक्यात स्ट्रॉबेरी लागवड अंतिम टप्प्यात

महाबळेश्वर, जावळी तालुक्यांत स्ट्रॉबेरी लागवड अंतिम टप्प्यात आली आहे. लागवडीस अति पावसाचा फटका बसला आहे. सप्टेंबर महिन्यात होणारी स्ट्रॉबेरी लागवड आता ऑक्टोबर महिन्यात सुरू आहे. जिल्ह्यात अति पावसामुळे स्ट्रॉबेरी लागवडीवर परिणाम झाला आहे. महाबळेश्वर, जावळी तालुक्यांत सर्वसाधारणपणे सप्टेंबर महिन्यात लागवड सुरू होते. यामुळे दिवाळीच्या हंगामात ग्राहकांना स्ट्रॉबेरी मिळाल्याने शेतकऱ्यांना चांगला दर मिळण्यास मदत होत असते.