मुगाच्या शेंगांना क्विंटलला ६००० ते ७००० रुपये दर

अकोला : येथील बाजारपेठेत सध्या मुगाच्या हिरव्या शेंगा विक्रीला येत आहेत. बाजारात या शेंगा साधारणपणे सहा ते सात हजार रुपये क्विंटल दराने विकल्या जात असल्याचे व्यापाऱ्यांकडून सांगण्यात आले. शेंगाची किरकोळ विक्री ८० ते १०० रुपये प्रतिकिलो दराने केली जात आहे. यंदाच्या हंगामात अद्याप बऱ्याच भागात पेरण्या झालेल्या नाहीत. त्यातच पेरण्या लांबल्याने मूग, उडीद या पिकांची लागवडही मोठ्या प्रमाणात घटलेली आहे. मात्र, बाजारात सध्या मुगाच्या हिरव्या शेंगा विक्रीला दाखल झालेल्या आहेत. जिल्ह्याबाहेरून या शेंगांची येथील बाजारात आवक होत असून सध्या हा मूग चांगल्यापैकी दर मिळवीत आहे.