नंदुरबारात मिरची लागवड पूर्ण; लागवडीत वाढ

जिल्ह्यात यंदा मिरची लागवडीत काहीशी वाढ झाली आहे. लागवड पूर्ण झाली असून, पीकस्थिती बरी आहे. चांगल्या पावसाने उगवण जोमात झाली. तसेच वाढही दिसत आहे. मिरची लागवड मागील वेळेस सुमारे २१०० हेक्टरवर झाली होती. यंदा सुमारे अडीच हजार हेक्टरवर मिरची लागवड जिल्ह्यात झाली आहे. नंदुरबारातील कोठली, लहान शहादे, खोंडामळी, सुजालपूर, समशेरपूर, शहाद्यातील कुढावद, लोंद्रा, धुरखेडा, म्हसावद, तळोद्यातील प्रतापपूर, रांझणी, बोरद आदी भागात मिरची लागवड झाली आहे. लागवडीत काहीशी वाढ झाली आहे.