नव्या लाल कांद्याला ४ हजारांचा भाव

कधी हसवणारा तर कधी रडवणारा कांदा या वर्षी शेतकऱ्यांच्या चेहऱ्यावर मात्र हसू खुलवत आहे. साठवलेला कांदा संपत आल्यावर उन्हाळ कांद्याच्या दराने सहा हजाराचा टप्पा पार केला आहे. सद्या या हंगामातील नवीन लाल कांदाही येथील बाजारात दाखल झाला असून प्रति क्विंटल चार हजाराचा भाव मिळाला. अतिवृष्टीसह हवामानामुळे कांदा उत्पादक राज्यात प्रचंड नुकसान झाल्याने कांद्याची मागणी टिकून असून यामुळे भावही तेजीत राहिले आहे. सद्या चाळीत साठवलेल्या उन्हाळ कांद्याच्या दराने सहा हजाराचा टप्पा पार केला आहे. मुळात तालुक्यातील शेतकऱ्यांनी टप्प्याटप्प्याने यापूर्वी चाळीतला कांदा विकला आहे.