पावसामुळे चाकणला फळभाज्यांचे दर वाढले

चाकण येथील महात्मा फुले बाजार आवारात आठवडाभरापासून होत असलेल्या पावसाने फळभाज्यांचे भाव वधारले. कोथिंबीर मात्र मातीमोल झाली. त्यामुळे शेतकरी, व्यापाऱ्यांचे नुकसान झाले आहे. पाऊस असल्याने कोथिंबिरीचे भाव पारच घसरले आहेत. टोमॅटोची आवक सातारा तसेच नगर जिल्ह्यातून होत आहे. टोमॅटोची आवक कमी झाल्यामुळे भाव मोठ्या प्रमाणात वाढत आहेत. टोमॅटो घाऊक बाजारात साठ रुपये प्रतिकिलोने विकला गेला. टोमॅटोचे दर वाढल्याने शेतकऱ्यांनी समाधान व्यक्त केले. आवक कमी व पावसाचा परिणाम यामुळे फळभाज्यांचे भाव वाढले आहेत.