पीक पाहणीतील ३८ हजार शेतकऱ्यांना अर्थसाहाय्य

मागील वर्षी चांदूररेल्वे तालुक्यातील पीकपाहणीवर नोंद केलेल्या ३७ हजार ९९२ सोयाबीन व कापूस उत्पादक शेतकऱ्यांना शासनाच्या या अर्थसाहाय्य योजनेचा लाभ मिळणार आहे. कापूस व सोयाबीन पिकाचा राज्याच्या शेती उत्पन्नामध्ये मोठा वाटा आहे. मागील वर्षी आंतरराष्ट्रीय घडामोडी व अन्य कारणांनी झालेल्या किमतीतील घसरणीमुळे शेतकऱ्यांना नुकसान सोसावे लागले. शेतकऱ्यांना दिलासा देण्यासाठी खरीप हंगाम २०२३ मध्ये कापूस व सोयाबीन उत्पादक शेतकऱ्यांना दोन हेक्टरच्या मयदित प्रति हेक्टरी पाच हजार रुपये अर्थसाहाय्य देण्याचा राज्य शासनाने २९ जुलै २०२४ रोजीच्या शासन निर्णयान्वये जाहीर केले आहे.