परभणी, हिंगोली जिल्ह्यात ७ लाख ६८ हजार क्विंटल कापसाची खरेदी

परभणी व हिंगोली जिल्ह्यात यंदाच्या कापूस खरेदी हंगामात शुक्रवार (ता. ३) पर्यंत सीआय आणि खासगी मिळून एकूण ७ लाख ६८ हजार ६५५ क्विंटल कापसाची खरेदी झाली आहे. त्यात भारतीय कापूस महामंडळाच्या (सीसीआय) ११ केंद्रावर ५ लाख २६ हजार १७३ क्विंटल कापूस खरेदी करण्यात आली. सीसीआयकडून हमीभावाने ओलाव्याच्या प्रमाणानुसार प्रतिक्विंटल किमान ७१०० ते कमाल ७४७१ रुपये दर देण्यात आले. खासगी व्यापाऱ्यांकडून २ लाख ५२ हजार ४२ क्विंटल कापसाची प्रतिक्विंटल किमान ६९०० ते कमाल ७००० रुपये दराने खरेदी करण्यात आली.