परभणी, हिंगोली जिल्ह्यात हमीभावाने ९२३ क्विंटल सोयाबीन खरेदी

किमान आधारभूत किंमत दराने (प्रतिक्विंटल ४८९२ रुपये) परभणी, हिंगोली जिल्ह्यातील ४ केंद्रांवर गुरुवारपर्यंत (ता. २४) ६१ शेतकऱ्यांचे ९२३.४८ क्विंटल सोयाबीन खरेदी करण्यात आले. दरम्यान, या जिल्ह्यांतील १८ खरेदी केंद्रांवर ८ हजार ५४६ शेतकऱ्यांनी हमीभावाने सोयाबीन विक्रीसाठी नोंदणी केली, अशी माहिती पणन महासंघाच्या सूत्रांनी दिली. केंद्र सरकारच्या किमान आधारभूत किंमत खरेदी योजनेअंतर्गत यंदा परभणी जिल्ह्यात राज्य सहकरी पणन महासंघ व केंद्रिय नोडल एजन्सी राष्ट्रीय कृषी सहकारी पणन महासंघ (नाफेड) यांच्यातर्फे मंगळवारपासून (ता. १५) सोयाबीन खरेदी केली जात आहे.