परभणीत कृषी विभागाची धुरा तरुण अधिकाऱ्यांच्या खांद्यावर

परभणी जिल्ह्यात सद्यःस्थितीत कृषी विभागाची धुरा वयाची तिशी-चाळिशीच्या आतील नव्या उमेदीच्या तरुण अधिकाऱ्यांच्या खांद्यावर आली आहे. परिणामी, शासकीय योजनांची अंमलबजावणी अधिक प्रभावीपणे होईल. कामाचा उरक वाढेल. कृषी विभागाचा गाडा वेगाने रेटला जाईल. तरुण शेतकरी व शेतीची प्रगती गतीमान होईल, अशी अपेक्षा जिल्ह्यातील शेतकरी करत आहेत. मार्च महिन्यात परभणीच्या जिल्हा अधीक्षक कृषी अधिकारीपदी अनिल गवळी यांची नियुक्ती झाली. चाळीच्या आत वय असलेले गवळी हे आजवरचे सर्वात तरुण जिल्हा अधीक्षक कृषी अधिकारी आहेत. प्रथमच नियुक्ती झालेले अधिकारी वयाच्या तिशीच्या आतील आहेत.