रब्बी उन्हाळ कांद्याची यंदा विक्रमी लागवड

राज्यभर रब्बी हंगामात उन्हाळ कांद्याचे सरासरी क्षेत्र ४.५ लाख हेक्टर असते. कृषी विभागाच्या माहितीनुसार, राज्यभरात ६.५१ लाख हेक्टर क्षेत्रावर कांदा लागवड झाली आहे. यंदा शेतकऱ्यांनी रब्बी कांदा लागवडीला मोठी पसंती दिल्याने आजवरचे लागवडीचे उच्चांक यंदा मोडीत निघाले आहेत. मागील वर्षाच्या तुलनेत यंदा १ लाख ८७ हजार हेक्टरवर कांदा लागवडी जास्त आहेत. समाधानकारक पाऊस, मागील वर्षी उन्हाळ कांद्याला मिळालेले दर हे लागवड वाढण्याचे प्रमुख कारण आहे.