रब्बीत जिल्हा बँकेकडून ५० टक्के पीककर्ज वाटप

यंदा चांगला पाऊस झाल्यामुळे रब्बी हंगामात चांगले उत्पादन घेण्याच्या उद्देशाने शेतकऱ्यांचा पीक कर्ज घेण्याकडे काहीसा कल वाढला आहे. आतापर्यंत रब्बीत पुणे जिल्हा मध्यवर्ती सहकारी बँकेने (पीडीसीसी) उद्दिष्टाच्या ६८१ कोटी २३ लाखांपैकी ३४७ कोटी ८३ लाख २९ हजार रुपये म्हणजेच ५० टक्के पीक कर्जाचे वाटप केले आहे. गेल्या वर्षीच्या तुलनेत चालू वर्षी पीक कर्जामध्ये ३६ कोटी १३ लाख रुपयांनी वाढ झाली आहे, अशी माहिती सूत्रांनी दिली.