सांगली जिल्ह्यात ऊसाची ३१ हजार हेक्टरवर लागवड

जिल्ह्यात जून ते सप्टेंबर या चार महिन्यांत मुसळधार पावसाने हजेरी लावली. त्यामुळे आडसाली हंगामातील ऊस लागवडीस अडथळे निर्माण झाले. अशा परिस्थितीतही शेतकऱ्यांनी ३१ हजार ४२६ हेक्टरवर उसाची लागवड केली आहे. तसेच मॉन्सूनोत्तर पावसाचा फटका पूर्व हंगामातील लागवडीला बसला आहे. सततच्या पावसामुळे वाफसा नसल्याने ऊस लागवड खोळंबली आहे.