सांगलीत ३८ हजार हेक्टरवर ऊस लागवड

जिल्ह्यात आडसाली हंगामातील ऊसलागवड आटोपली असून पूर्व हंगामातील लागवड शेतकऱ्यांनी सुरू केली आहे. आडसाली हंगामत २९ हजार ४४३ तर पूर्व हंगामातील ८५८७ हेक्टर असे एकूण ३८ हजार १३० हेक्टरवर लागवड झाली आहे, अशी माहिती कृषी विभागाच्या सूत्रांनी दिली. जिल्ह्यात यंदा पावसामुळे आडसाली हंगामातील ऊस लागवड करण्यास उशिरा प्रारंभ झाला. त्यामुळे आडसाली हंगामातील उसाच्या क्षेत्रात घट होईल, असा सध्यातरी प्राथमिक अंदाज व्यक्त केला जात आहे.