'सीसीआय' केंद्रावर मुहूर्ताला १४ क्विंटल आवक

भद्रावती तालुक्यातील नंदोरी (टाकळी) येथील मे. आदिती कॉटन इंडस्ट्रीज येथे सीसीआय अंतर्गत आधारभूत दराने कापूस खरेदीला सुरुवात करण्यात आली. मुहूर्ताच्या एफएक्यू दर्जाच्या कापसाला ७५२१ रुपये दर या वेळी मिळाला. आधारभूत दराने खरेदीच्या प्रारंभप्रसंगी बाजार समितीचे सभापती भास्कर लटारी ताजणे उपस्थित होते. त्यांच्या हस्ते काटा पूजन करून तसेच विक्रीसाठी कापूस आणणाऱ्या शेतकऱ्याचा शाल-टोपी तसेच नारळ देत सन्मान करण्यात आला. पहिल्या दिवशी सुमारे १४ क्विंटल कापसाची खरेदी करण्यात आली. एफएक्यू दर्जाचा या कापसाला ७५२१ रुपयांचा आधारभूत दर देण्यात आला.