सोयाबीनला आधीच दर मिळेना, आता भरला लुटीचा बाजार !

यंदा सोयाबीनला चार हजारांच्या आत दर मिळत असल्याने आधीच शेतकरी अडचणीत आलेला आहे. अशा स्थितीत शासनाची हमीभाव खरेदी योजना आधार ठरेल असे वाटत होते. मात् यासाठी सुरू असलेल्या काही खरेदी केंद्रांवर शेतकऱ्यांची आर्थिक पिळवणूक केली जात आहे. खरेदीदारांकडून शेतकऱ्यांना मोजणी केलेल्या मालाच्या नोंदणीसाठी क्विंटलला १५० रुपयांची मागणी होत असल्याचा प्रकार एका ध्वनिफितीद्वारे (ऑडिओ क्लिप) समोर आला आहे.