सोयाबीनला किमान ४ हजार ८९२ प्रतिक्विंटलचा हमीभाव, महाराष्ट्रासह कर्नाटकचा समावेश

केंद्र सरकारने महाराष्ट्र व कर्नाटक या दोन राज्यांमध्ये ९० दिवसांसाठी किमान हमीभावाने सोयाबीन खरेदी केंद्र सुरू करण्यास मान्यता दिली आहे. राज्याचे कृषिमंत्री धनंजय मुंडे यांनी केंद्र सरकारकडे मागील काही दिवसांपासून यासाठी पाठपुरावा केला होता. दरम्यान केंद्र सरकारने महाराष्ट्र व कर्नाटक या दोन राज्यांमध्ये सोयाबीनची किमान आधारभूत किंमत ही ४ हजार ८९२ रुपये प्रति क्विंटल इतकी निश्चित केली असल्याची माहिती कृषीमंत्री धनंजय मुंडे यांनी दिली.