थंडीमुळे पुणे विभागात गहू पेरणीस सुरुवात

गेल्या आठवड्यापासून थंडीला काहीशी सुरुवात झाली आहे. यामुळे गव्हाच्या पेरणीस उशिराने पोषक हवामान तयार झाले आहे. पुणे विभागात गव्हाच्या पेरण्यांना सुरुवात झाली आहे. आतापर्यंत विभागात सरासरी एक लाख ६८ हजार ७९६ हेक्टरपैकी ४ हजार ३७५ म्हणजेच ३ टक्के पेरणी झाली आहे. येत्या काही दिवसांत थंडी वाढल्यास गहू पेरणीस आणखी वेग येणार असल्याची माहिती कृषी विभागाच्या सूत्रांनी दिली.