तूर नोंदणीसाठी ३० दिवसांची मुदतवाढ ; हमीभाव खरेदीला आतापर्यंत कमी प्रतिसाद

राज्यात हमीभावाने तूर खरेदीसाठी नोंदणीची मुदत २२ फेब्रुवारीला संपली होती. मात्र सरकारने नोंदणीसाठी आणखी ३० दिवसांची मुदत दिली. तर हमीभाव खरेदीला राज्यात आतापर्यंत कमी प्रतिसाद मिळाला. आतापर्यंत २९ हजार शेतकऱ्यांनी तूर विक्रीसाठी नोंदणी केली. तर १८१३ क्विंटल तुरीची खरेदी झाली. पण बाजारात भाव कमी होत असल्याने सरकारची तूर खरेदी वाढण्याची शक्यता आहे.