वाशी बाजार समितीत स्ट्रॉबेरी प्रतिकिलो ४५० रुपये

एपीएमसी बाजारात स्ट्रॉबेरीचा हंगाम सुरू झाला आहे. हंगामाच्या सुरुवातीला आवक कमी असल्याने घाऊक आणि किरकोळ बाजारात स्ट्रॉबेरी चांगलाच भाव खात आहे. आंबट-गोड चवीच्या स्ट्रॉबेरीला घाऊक बाजारात प्रतिकिलो ४५० रुपये भाव मिळत असून ६० रुपयांना १०० ग्रॅमचा वाटाही किरकोळ बाजारात मिळत आहे. भाव चांगला मिळत असल्यामुळे शेतकऱ्यांसह व्यापारीही सुखावले आहेत.