अक्रोड शेती (Walnut farming)

नमस्कार शेतकरी मित्रांनो,

देहात परिवारात आपले सहर्ष स्वागत आहे!

अक्रोड (जुगलन्स एसपी.) हे समशीतोष्ण नट फळांपैकी एक आहे आणि ते "जुम्लॅन्डेसी" च्या कुळातील आहे. भारतात मुख्यतः जम्मू आणि काश्मीर, उत्तराखंड, हिमाचल प्रदेश आणि इतर राज्यांमध्येही व्यावसायिक अक्रोडाची लागवड 4 श्रेणींमध्ये केली जाते. कठोर कवच असलेले, मध्यम कवच असलेले, पातळ कवच असलेले आणि कागदी कवच असलेले अक्रोड. जम्मू आणि काश्मीर हे भारतातील प्रमुख अक्रोड उत्पाक राज्य आहे. अक्रोड पिकास बाजारात वेगवेगळ्या उपयोगासाठी बरीच मागणी आहे. या पिकाचा बाजारभाव शेतकऱ्याला करोडपती बनवु शकतो. अक्रोडच्या अनेक गुणधर्मामुळे याची मागणी वाढत आहे. म्हणूनच आजच्या या लेखात आपण अक्रोड शेती कशी करायची याविषयीची संपूर्ण माहिती जाणून घेणार आहोत.

अक्रोड लागवडीसाठी योग्य हवामान (Suitable Temperature for Walnut):

• अक्रोड जास्त थंड आणि उष्ण हवामानातही चांगले वाढतात, परंतु त्याच्या लागवडीतून दर्जेदार उत्पादन घेण्यासाठी 10 अंशांपेक्षा कमी तापमान सर्वोत्तम आहे.
• अक्रोड पिकासाठी 80 मि.मी. पाऊस पुरेसा आहे.

अक्रोड लागवडीसाठी योग्य जमीन (Suitable Soil for Walnut):

चांगले उत्पादन मिळविण्यासाठी पाण्याचा निचरा असलेली खोल गाळयुक्त चिकणमाती उत्तम आहे, ज्यामध्ये सेंद्रिय पदार्थांनी युक्त सेंद्रिय खत वापरावे.

अक्रोड लागवडीसाठी योग्य हंगाम (Suitable season for Walnut):

• भारतातील अक्रोड रोपवाटिकेसाठी, सप्टेंबर महिना योग्य आहे.
• आक्रोडची रोपे डिसेंबर ते जानेवारी दरम्यान शेतात लावली जातात.

अक्रोड पिकाची लागवड (Walnut Cultivation) :

• रोपवाटिकेत आक्रोड पिकाची रोपे तयार करण्यासाठी कलम पद्धतीचा वापर केला जातो.
• विशेषतः जुलै आणि ऑगस्ट हे महिने रोपवाटिकेच्या तयारीसाठी चांगले मानले जातात.
• बिया पेरल्यानंतर त्याची रोपे दोन ते तीन महिन्यात तयार होतात.
• अक्रोड पिकाच्या प्रत्यारोपणासाठी, 1.25 x 1.25 x 1.25 मीटर आकाराचे खड्डे 10 x 10 मीटर अंतरावर खोदले जातात आणि झाडे जमिनीच्या पृष्ठभागापासून 15 सेमी वर लावली जातात.
• या खड्ड्यांमध्ये रोपे लावण्यापूर्वी, 50 किलो गांडूळ खत किंवा शेणखत 150 ग्रॅम युरिया, 500 ग्रॅम सुपरफॉस्फेट आणि कडुनिंबाची पेंड आणि एमओपीसह बागेची माती यांचे मिश्रण टाकले जाते.
• अक्रोडाची रोपे लावल्यानंतर लगेचच सिंचन केले जाते, त्यासाठी ठिबक सिंचनाचीही व्यवस्था करता येते.

अक्रोड लागवडीसाठी पाणी व्यवस्थापन (Walnut water management) :

• अक्रोड लागवडीसाठी वेळेवर पाणी देणे देखील अत्यंत आवश्यक आहे.
• अक्रोडाच्या रोपाला उन्हाळ्यात दर आठवड्याला आणि हिवाळ्यात 20-30 दिवसांनी पाणी द्यावे लागते.
• त्याची रोप पूर्णपणे विकसित होण्यासाठी 7-8 महिने लागतात.
• अक्रोड 4 वर्षांनीच फळ देण्यास सुरुवात करते. यानंतर सुमारे 25-30 वर्षे उत्पादन होत राहते.

अक्रोड शेतीतून उत्पन्न:

• अक्रोडच्या बाजारभावाविषयी बोलायचे झाले तर साधारण जातीपासून ते कागदी प्रकारापर्यंत अक्रोड 400 ते 700 रुपये प्रतिकिलो दराने विकले जाते.
• इतकेच नाही तर अनेक ब्रँड अक्रोडावर प्रक्रिया करून त्याचे तेल, नट, कन्फेक्शनरी उत्पादने आणि सौंदर्य उत्पादने बनवतात.

अशा प्रकारे योग्य रित्या, आपल्या शेतातील मातीनुसार योग्य हवामानानुसार अक्रोडची लागवड केल्यास भरपूर उत्पादन मिळू शकते. तुम्ही तुमच्या अक्रोड पिकाच्या लागवडीकरता कोणते तंत्र वापरता? याबद्दलची माहिती आपल्या इतर शेतकरी मित्रांसह कमेंट्सद्वारे शेयर करा. सोबतच या लेखाला लाईक करायला आणि लेखावर कमेंट करायला विसरू नका. यासारख्या विविध पिकांच्या महत्वपूर्ण माहितीसाठी “बागायती पिके” चॅनेलला फॉलो करा. तसेच तुमच्या समस्यांच्या निवारणासाठी आमच्या टोल फ्री क्रमांक 1800-1036-110 वर संपर्क साधून कृषी तज्ञांकडून मोफत सल्ला मिळवा.

वारंवार विचारले जाणारे प्रश्न (Frequently asked Questions):

1. अक्रोड पिकास कोणते हवामान योग्य आहे?

अक्रोड जास्त थंड आणि उष्ण हवामानातही चांगले वाढतात, परंतु त्याच्या लागवडीतून दर्जेदार उत्पादन घेण्यासाठी 10 अंशांपेक्षा कमी तापमान सर्वोत्तम आहे.

2. अक्रोड लागवडीसाठी योग्य जमीन कोणती?

अक्रोड लागवडीसाठी चांगले उत्पादन मिळविण्यासाठी पाण्याचा निचरा असलेली खोल गाळयुक्त चिकणमाती उत्तम मानली जाते, ज्यामध्ये सेंद्रिय पदार्थांनी युक्त सेंद्रिय खत वापरावे.

3. अक्रोड पिकाच्या रोपवाटिकेसाठी योग्य वेळ कोणती?

अक्रोड पिकाच्या रोपवाटिकेच्या तयारीसाठी विशेषतः जुलै आणि ऑगस्ट हे महिने चांगले मानले जातात.