आले बियाणे खरेदीकडे शेतकऱ्यांची पाठ

मागील हंगामापासून आले पिकाच्या दरात घट सुरू झाली. सध्या आले पिकास धुणीच्या नऊ ते साडेनऊ हजार रुपये तर बियाण्यास १४ ते १५ हजार रुपये प्रतिगाडी (५०० किलो) मिळत आहे. हा दर मागील तीन वर्षांत कमी असल्याने आले बियाणे खरेदी करण्याकडे शेतकऱ्यांनी पाठ फिरविली आहे. यामुळे आगामी हंगामात आले क्षेत्रात मोठी घट होण्याचा अंदाज तज्ज्ञांनी व्यक्त केला आहे.