चाऱ्याअभावी जनावरांना बाजार दाखविण्याची आली वेळ

भीषण दुष्काळी परिस्थिती तालुक्यात निर्माण झाल्याने जनावरांच्या चाऱ्यासह पाणीप्रश्नही ऐरणीवर आला आहे. चाऱ्याचे भाव गगनाला भिडल्याने पशुधन सांभाळणे जिकिरीचे बनले आहे. त्यामुळे नाईलाजास्तव चारा-पाण्याअभावी जीवापाड जपलेल्या जनावरांना बाजाराची वाट दाखवावी लागत असून, त्यांची कवडीमोल भावात विक्री होत असल्याचे भयावह चित्र येथील जनावरांच्या आठवडी बाजारात पाहावयास मिळत आहे.