द्राक्ष व्यापाऱ्यांसाठी 'क्यूआर कोड'

द्राक्ष उत्पादक शेतकऱ्यांची व्यापाऱ्यांकडून केली जाणारी फसवणूक टाळण्यासाठी जिल्हाधिकारी कार्यालयाने आधुनिक प्रणालीचा वापर करण्याचा निर्णय घेतला आहे, अशी माहिती जिल्हाधिकारी डॉ. राजा दयानिधी यांनी गुरुवारी (ता. २३) पत्रकार परिषदेत दिली. जिल्हाधिकारी म्हणाले, की द्राक्षाचा हंगाम आता सुरू होतोय. काही ठिकाणी निर्यातीसाठीची द्राक्ष विकली जात आहेत. दिल्ली बाजारात जाणारी द्राक्षे काढली जात आहेत. आठ-दहा दिवसांत हंगामाला गती येणार आहे. देशभरातील व्यापारी सांगलीत दाखल होतील व शेतकऱ्यांच्या बांधावर जातील.