दूध उत्पादकांना दिलासाः अनुदान थेट खात्यात जमा

जिल्ह्यात आतापर्यंत १२ हजार १६७ दूध उत्पादकांच्या खात्यात १५ कोटी ८ लक्ष रुपयांचे अनुदान जमा झाले, असल्याचे जिल्हा दुग्ध व्यवसाय विकास अधिकारी मनीषा हराळ यांनी कळविले आहे. राज्यातील सहकारी संघ व खासगी दूध प्रकल्पांना दूधपुरवठा करणाऱ्या दूध उत्पादक शेतकऱ्यांना प्रती लिटर ५ रुपये अनुदान देणे निश्चित केले आहे. या योजनेची जिल्हास्तरीय पडताळणी संबंधित जिल्हा दुग्ध व्यवसाय विकास अधिकारी, सहायक निबंधक सहकारी संस्था (दुग्ध), जिल्हा पशुसंवर्धन उपायुक्त यांच्या त्रिस्तरीय समिती मार्फत करण्यात येते.