गायीच्या खरेदी दूध दरात १ रूपयांनी वाढ; राज्यातील सहकारी, खाजगी दूध संघांचा निर्णय

देशांतर्गत बाजारपेठेत दूध पावडर आणि बटरच्या किंमतीत वाढ झाली आहे. दरम्यान, राज्यातील सहकारी आणि खासगी दूध संस्थांनी गाय दूध खरेदी दरात प्रतिलिटर १ रूपयांची वाढ केली आहे. यामध्ये कोल्हापूर जिल्ह्यातील गोकुळ आणि वारणा या दोन दूध संघांनी वाढ केली नाही. ज्या दूध संघांनी दरवाढ केली आहे, त्या दूध संघांकडून ३.५ फॅट व ८.५ एसएनएफसाठी प्रतिलिटर तीस रुपये दर दिला जाणार आहे. यापूर्वी गोकुळ आणि वारणा दूध संघाने दर वाढवून दिल्याने त्यांनी खरेदी दरात वाढ केली नाही.