गुजरातमधून गुळाच्या अपेक्षित मागणीअभावी दर स्थिरच

संक्रांतीच्या पार्श्वभूमीवर गुजरातमधून अपेक्षित मागणी न आल्याने गुळाच्या दरात अपेक्षित वाढ झाली नाही. गेल्या वर्षीच्या तुलनेत यंदा या कालावधीत गुळाच्या दरात क्विंटलला सरासरी २०० ते ३०० रुपयांनी वाढ झाल्याचे चित्र येथील गूळ बाजारात होते. डिसेंबरच्या उत्तरार्धापासून गुळाचे दर समाधानकारक आहेत. यंदा सुरुवातीच्या टप्प्यात कर्नाटकमध्येही हंगाम उशिरा सुरू झाला. साहजिकच गुन्हाळघरे उशिरा सुरू झाली. यामुळे गुजरातमध्ये पहिल्या टप्प्यात कोल्हापुरी गुळाला मागणी वाढली. तेथील व्यापाऱ्यांनी कोल्हापूरच्या गुळाला विशेष पसंती दिली.