गुळाचा गोडवा वाढला; दररोज 600 क्विंटलची आवक, भावही वाढल्याने शेतकऱ्यांना दिलासा

लातूर : मकरसंक्रांतीनिमित्ताने बाजारपेठेत गुळास मागणी वाढली आहे. शहरातील बाजार समितीत दररोज सरासरी 600 क्विंटलपर्यंत आवक होत आहे. सध्या सर्वसाधारण 3 हजार 700 रुपयांपर्यंत भाव मिळत आहे. गतवर्षीच्या तुलनेत यंदा जवळपास 700 रुपयांची दरवाढ झाली आहे. त्यामुळे गूळ उत्पादक शेतकऱ्यांना दिलासा मिळत असल्याने गोडवा वाढल्याचे पहावयास मिळत आहे.