खानदेशात केळी आवकेत मोठी घट

खानदेशात केळीची आवक घटली आहे. दरही कमाल १८०० रुपये प्रति क्विंटलवर स्थिर आहेत. दर्जेदार केळीला मागणी असून, केळीची पाठवणूक उत्तरेकडे अधिकची केली जात आहे. दिवाळी सणामुळे अनेकांनी केळीची काढणी केली नाही. यातच केळीच्या आवकेत मागील सहा ते सात दिवसांत सतत घट झाली आहे. केळीला खानदेशात उठाव कायम आहे. सध्या प्रति क्विंटल १५०० ते १८०० व सरासरी १६०० रुपये प्रति क्विंटलचा दर केळीस खानदेशात आहे. मध्य प्रदेशातील बऱ्हाणपुरातही केळी दर कमाल १८०० रुपये प्रतिक्विंटलपर्यंत आहेत.