खानदेशात उष्णता वाढली

खानदेशात उष्णता दिवसागणिक वाढत आहे. कमाल तापमान ४४ अंश सेल्सिअसपर्यंत असून, शेतीकामांवर परिणाम होत आहे. या आठवड्यात कमाल तापमानात सतत वाढ होत आहे. मंगळवारी (ता. १६) व बुधवारी (ता. १७) कमाल तापमान अनुक्रमे ४३ व ४४ अंश सेल्सिअसपर्यंत होते. उष्ण लाटेचा इशारा खानदेशात देण्यात आला होता. यातच ढगाळ वातावरणही आहे. रात्री उकाडा प्रचंड वाढला असून, शेतीकामे सकाळी १० पर्यंत उरकून घेण्याचा प्रयत्न शेतकरी करीत आहेत.