कोल्हापूर जिल्हा ऊस पाचट व्यवस्थापनात अग्रेसर

पश्चिम महाराष्ट्र आणि कोल्हापूर जिल्हा ऊस उत्पादनासाठी प्रसिद्ध आहे. जिल्ह्याच्या पाणलोट क्षेत्रात बांधलेली धरणे, नद्यांवरील कोल्हापूर पद्धतीचे बांधलेले बंधारे यामुळे जिल्ह्यातील बहुतांश जमीन सिंचनाखाली येण्यास मदत झाली आहे. याला कागल तालुकाही अपवाद राहिलेला नाही. काळम्मावाडी धरणांमुळे तालुक्यातील दूधगंगा, वेदगंगा नद्या बारमाही वाहत आहेत. चिकोत्रा नदीलाही आता पुरेसे पाणी उपलब्ध झाले आहे. त्यामुळे तालुक्यात उसाचे पीक मोठ्या प्रमाणावर घेतले जात आहे.