नांदेड जिल्ह्यात एक लाख हेक्टरवर रब्बी पेरणी

जिल्ह्यात रब्बी हंगामाची पेरणी एक लाख हेक्टर क्षेत्रावर झाली आहे. यात सर्वाधिक ८३ हजार हेक्टर क्षेत्रावर हरभरा पेरणी झाली आहे. सध्या रब्बी पेरणीला वेग आल्याची माहिती जिल्हा अधीक्षक कृषी अधिकारी भाऊसाहेब बहऱ्हाटे यांनी दिली. जिल्ह्यात मागील पावसाळ्यात जोरदार पाऊस झाला. पाच महिन्यात सरासरीच्या १०३ टक्के झालेल्या पावसामुळे जिल्ह्यातील सर्वच जलस्रोत पूर्ण क्षमतेने भरले. तसेच भूगर्भातही जलसंचल वाढल्याने शेतकऱ्यांनी रब्बीमध्ये मोठ्या प्रमाणात पेरणी करत आहेत. जिल्ह्यात सर्वाधिक क्षेत्रावर हरभरा पेरणी होण्याचा अंदाज कृषी विभागाने यापूर्वीच व्यक्त केला होता.